Пошукавае пасоўванне і аптымізацыя сайта (SEO)

Сам па сабе сайт не прыносіць вам кліентаў, ён толькі ўтрымлівае наведвальнікаў, знаёміць з вамі і падахвочвае выканаць некаторыя дзеянні (замовіць тавар, патэлефанаваць вам і г. д.), яго распрацоўка — толькі першы этап у пасоўванні вашага бізнэсу, тавара ці паслугі ў інтэрнэце, бо нейкім чынам людзі павінны знаходзіць спасылку на ваш сайт, а гэта ўжо залежыць ад вашых дзеянняў па прыцягненні наведвальнікаў: рэпутацыя, вядомасць і запамінаемасць кампаніі, аптымізацыя структуры сайта, пасоўванне ў пошукавых сістэмах, кантэкстная рэклама ў пошукавых сістэмах, рэклама ў сацыяльных сетках, рэгістрацыя ў каталогах, месцаванне банараў на сайтах і ў горадзе, улёткі, рэкламныя пасты на розных рэсурсах і г. д.

Я аказваю паслугі толькі па базавым пасоўванні ў пошукавых сістэмах, што звычайна ўключаецца ў кошт распрацоўкі сайта:

• не выкарыстоўваецца flash;
• важныя часткі сайта даступны ў 1–2 кліка з галоўнай старонкі;
• выкарыстоўваюцца «хлебныя дробкі» пры ўзроўні ўкладзенасці старонак больш за адзін;
• мапа сайта;
• ЧЗУ адрасы старонак сайта, з магчымасцю іх рэдагавання SEO-адмыслоўцамі без доступу да зыходных кодаў сайта;
• магчымасць рэдагаваць description, title, keywords, тэгі H1–H6 SEO-адмыслоўцамі без доступу да зыходных кодаў сайта;
• чысты HTML код, аптымізаваная сістэма з хуткім водгукам і загрузкай — мінімум загружаных звонку файлаў;
• налада галоўнага люстэрка;
• налада файла robots.txt;
• адсутнасць «левых» параметраў у адрасах старонак;
• усе няісныя старонкі выдаюць код памылкі 404;
• карыстачы і пошукавыя сістэмы бачаць змесціва сайта аднолькава;
• рэкамендую толькі надзейны хостынг;
• рэгістрацыя сайта ў панэлі вэбмайстроў Google і Yandex і налада паводле рэкамендацый Google і Yandex;
• усталёўка Google Analytics і Yandex Metrika без неабходнасці доступу да зыходных кодаў сайта.